جنوبی سوڈان: اقوام متحدہ کے کیمپ پر حملہ، 58 افراد ہلاک

(ایجنسیز)

 عالمی خبر رساں ادارے کے مطابق اقوام متحدہ کے کیمپ میں موجود پانچ ہزار پناہ گزین ہیں جو خانہ جنگی کے باعث بے گھر ہو کر پچھلے سال دسمبر سے یہاں موجود ہیں۔ اقوام متحدہ کے ایک ذمہ دار نے اپنی شناخت ظاہر نہ کرنے کی شرط پر بتایا ہے کہ اس حملے کے دوران کم از کم 58 افراد ہلاک اور 100 سے زائد زخمی ہو گئے ہیں۔ '' اقوام متحدہ کیلئے امریکی سفیر سمناتھ پاور نے اس



واقعے کی سخت مذمت کرتے ہوئے کہا یہ غیر مسلح انسانوں پر آتشیں اور غیر انسانی حملہ ہے۔ امریکی سفیر کے مطابق کم از کم بیس افراد ہلاک اور 70 زخمی ہو گئے ہیں۔ واضح رہے اس سے پہلے اقوام متحدہ نے عبوری طور پر کہا تھا کہ اس واقعے میں درجنوں لوگ اپنے مخالف قبیلے کے ہاتھوں مارے گئے ہیں۔ اقوام متحدہ کے متعلقہ ذمہ داران کا کہنا ہے کہ یہ حملہ مکمل طور پر کسی اشتعال انگیزی کے بغیر کیا گیا ہے۔